ភ្នំពេញ៖ ទំហំពាណិជ្ជកម្មសរុបរបស់កម្ពុជានៅឆ្នាំ២០២១ សម្រចបានប្រមាណ ៤៦,២៧ ប៊ីលានដុល្លារអាមេរិក មានកំណើនប្រមាណ២៩ភាគរយបើធៀបនឹងឆ្នាំ២០២០។ នេះបើតាមការលើកឡើងរបស់រដ្ឋលេខាធិការក្រសួងពាណិជ្ជកម្មលោកស្រី តឹករ៉េត កំរង។

ការលើកឡើងនេះ គឺនៅក្នុងឱកាសអញ្ជើញផ្តល់បទអន្តរាគមន៍ខ្លី ស្តីពី «អាទិភាពនៃការធ្វើជាម្ចាស់ផ្ទះនៃកិច្ចប្រជុំកំពូលអាស៊ានរបស់កម្ពុជាក្នុងឆ្នាំ២០២២» នៅក្នុងសិក្ខាសាលាស្តីពី “ទស្សនៈវិស័យសេដ្ឋកិច្ច និងកាលានុវត្តភាពសម្រាប់កម្ពុជាក្នុងនាមជាប្រធានអាស៊ាន” (Cambodia’s Economic Outlook and ASEAN Chairmanship Opportunities) ដែលបាន រៀបចំឡើងដោយសភាពាណិជ្ជកម្មអឺរ៉ុបនៅកម្ពុជា (EuroCham Cambodia) នៅសារមន្ទីរសេដ្ឋកិច្ច និងរូបិយវត្ថុនៃប្រទេសកម្ពុជា(Sosoro Museum)កាលពីថ្ងៃទី១៩ ខែមករា ឆ្នាំ២០២២។

យោងតាមរបាយការណ៍ពាណិជ្ជកម្មឆ្នាំ២០២០ ក្រសួងពាណិជ្ជកម្មឱ្យដឹងថាទំហំពាណិជ្ជកម្មរបស់កម្ពុជាសម្រេចបានប្រមាណ ៣៥,៨០ ប៊ីលានដុល្លារអាមេរិក ដែលបានកើតឡើងប្រមាណ២,៥៤%បើធៀបនឹងឆ្នាំ២០១៩៕